9 apr 2026

Bu tilda tarjiman qilinmadi

Mártler hám Ádalat sánesi: Noʻkiste qos bayram saltanatı
​NÒKIS. Arqa-batıs àskeriy okrugı sahnasında ózgeshe bir joqarı keypiyat húkim sùrdi. Sebebi, bul jerde Nokis qalası 1-sanlı texnikumınıń «Nova Imperium» komandası tárepinen «Mártler Maskanı — Ádil Nızam Qorǵawında» atamasındaǵı úlken bayram dástúri bolıp ótti.
​Keshe eki áhmiyetli sáne — ullı sárkerde Ámir Temurdıń 690 jıllıǵı hám Qaraqalpaqstan Respublikası Konstituciyasınıń 33 jıllıǵına baǵıshlandı. Keshe dástúri tek koncert baǵdarlamasınan ibarat bolmay, bálki áskerlerdiń ruwxıy dúnyasın bayıtıwshı hám patriotlıq sezimin oyatıwshı mazmunǵa iye boldı.
​Dástúr dawamında Ulıǵbektiń «Anajanım» qosıǵı barlıq áskerlerdiń júregin tolqınlandırǵan bolsa, Aydostıń «Qarawıllap» naması shegara qorǵawshılarınıń mártligin taǵı bir bor tastıyıqladı. Sonıń menen birge, sahnada payda bolǵan «Charlie Chaplin» obrazı hám zamanagóy «Country» sahnalìq koʻrinisleri jıynalǵanlarǵa kóterińki keypiyat baǵıshladı.
​Kesheniń eń qızıqlı bólimi «Zakovat» intellektual oyını boldı. Onda áskerler Ámir Temur tariyxı hám Qomusımızdıń mazmun-mánisi boyınsha ózleriniń bilimlerin sınap kórdi. Keshe sońında «Nova Imperium» jámáátiniń gitara xorlìgʻìnda atqarǵan ulıwma qosıǵı hàmmeni bir maqset jolında — Watandı súyiw hám nızamǵa húrmet etiw átrapında birlestirdi.Arqa-batıs askeriy okrugi tarepinen Nŏkis qalası 1-sanlı texnikum direktorına «Alğısnama berildi.